ఖర్మ కాలడం అంటే ఇదే!

[ఇటీవల కాంగ్రెస్ లో విలీనం అయిన ప్రరాపా నుండి ఎమ్మెల్సీ ఎన్నికల్లో రామచంద్రయ్య పోటీ – వార్త నేపధ్యంలో]

సుబ్బలష్షిమి:
బావా! తెదేపా నుండి ప్రరాపాలో చేరిన రామచంద్రయ్య, తన రాజ్యసభ సీటు కి రాజీనామా చేసి వచ్చి మరీ, ప్రరాపాలో చేరాడు. ప్రరాపా, కాంగ్రెస్ లో కలిసి పోయాక, ఇప్పుడు మండలికి పోటీ చేస్తున్నాడు. ఇతడి రాజకీయ కెరీర్ ఆరోహణ చెందిందా, అవరోహణ చెందిందా!?

సుబ్బారావు:
బహుశః అప్పట్లో ప్రరాపా... ‘అదిగదిగో నిశ్శబ్ద విప్లవం!’ ‘రేపోమాపో చిరంజీవి ముఖ్యమంత్రి కాబోతున్నాడు’ అంటే నిజమేననుకొని, మబ్బుల్లో నీళ్ళు చూసి ముంత ఒలకబోసు కున్నట్లున్నాడు మరదలా!

సుబ్బలష్షిమి:
మొత్తానికి ఖర్మ కాలటం అంటే ఇదేనేమో బావా!