Thursday, October 21, 2010

‘ఆపరేషన్ ఆకర్ష’ అన్నా... ‘ఆపరేషన్ కమల’ అన్నా...

[యడ్యూరప్ప ఇల్లు ముట్టడి వార్త నేపధ్యంలో]

సుబ్బలష్షిమి:
బావా! ఈ వార్త చదివావా?
>>>ఈనాడు 20అక్టోబరు, 2010, తొలిపేజీ

సుస్థిర ప్రభుత్వ స్థాపన పేరిట కర్ణాటకలో భాజపా మరోమారు ‘ఆపరేషన్ కమల’ చేపడుతోందని ఆ రాష్ట్ర కాంగ్రెస్ నాయకులు ఆగ్రహం వ్యక్తం చేశారు. తమ పార్టీ శాసనసభ్యులను ప్రలోభపరచుకునేందుకు కోట్లరూపాయలు కుమ్మరిస్తున్నారని ఆరోపిస్తూ వారు మంగళ వారం రాత్రి బెంగుళూరులోని ముఖ్యమంత్రి యడ్యూరప్ప నివాసాన్ని ఆకస్మికంగా ముట్టడించి నిరసనకు దిగారు.
~~~~~~~~
ఒకప్పుడు తన భర్తతో మరో మహిళ అక్రమ సంబంధం పెట్టుకుంటే, తానువెళ్ళి ఆ ఉంపుడుగత్తెతో ఇలాగే కొట్లాడేది సదరు ఇల్లాలు. అప్పుడా ఉంపుడు గత్తె అలవోకగా "చేతనైతే నీ భర్తని చెప్పు చేతల్లో పెట్టుకో! అంతేగానీ, నా దగ్గర కొచ్చి అరుస్తావేం?" అనేదని... విన్నాం, చదివాం, చివరికి సినిమాల్లో కూడా చూశాం!

సరిగ్గా... ఇప్పుడదే రాజకీయాల్లో చూస్తున్నాం!
‘ఆపరేషన్ ఆకర్ష’ అన్నా... ‘ఆపరేషన్ కమల’ అన్నా... ఏ పార్టీ అయినా... చేస్తోంది ఈ వ్యభిచారమే కదా బావా!

సుబ్బారావు:
అందులో సందేహమేముంది మరదలా!? అచ్చంగా ఇల్లాలు-ఉంపుడుగత్తెల సంభాషణ లాగే... ఏ పార్టీ అయినా... తమ ఎంఎల్‌ఏలనీ, ఎంపీలనీ అదుపులో ఉంచుకోలేక, ఎదుటి పార్టీ ఆపరేషన్ల మీద పడి ఏడుస్తోంది. డబ్బూ, లజ్జారాహిత్యమే రాజకీయమై పోయాక, ఆ వ్యభిచారం ఇంత జుగుస్సాపూరితంగానే ఉంటుంది మరి!

No comments:

Post a Comment