ఇవే కాకుండా ఇంకా ఏం జరిగే అవకాశం ఉందో తెలుసా మీకు?

[మా కుటుంబంలో భేదాభిప్రాయాలు లేవు - బొత్స సత్యనారాయణ - వార్త నేపధ్యంలో]

సుబ్బలష్షిమి:
బావా! రాష్ట్రవిభజనకు సంబంధించి తమ కుటుంబంలో భేదాభిప్రాయాలు లేవని, తాను గతంలో చేసిన వ్యాఖ్యలకే కట్టుబడి ఉన్నానని బొత్ససత్యనారాయణ చెప్తున్నాడు. తన వ్యాఖ్యలతో ఎంపీ ఝూన్సీ [బొత్స సత్యనారాయణ భార్య] కూడా ఏకీభవించారని తెలిపాడు. మరయితే ఆయన భార్య అప్పుడు విభేదించింది కదా? ఇప్పుడు అలాంటివేమీ లేవని చెప్తున్నాడు. అయితే ఏం జరిగి ఉంటుంది బావా?

సుబ్బారావు:
భార్యని ఒప్పించటానికి ఏమయినా జరిగే అవకాశం ఉంది మరదలా!
1. గృహ హింసతో ఒప్పించి ఉండవచ్చు.
2. తన మాట వినకపోతే, ఆస్థిలో వాటా రాదని బెదిరించి ఉండవచ్చు.
3. విభజన జరిగితే తమకి వచ్చే లాభాలు చెప్పి ఉండవచ్చు.
4. కుటుంబ పరువు పోతుంది కాబట్టి నా మాట వినమని బతిమాలి ఉండవచ్చు.
5. తరువాతసారికి ఎంపీ టిక్కెట్టు ఇప్పించను జాగ్రత్త సుమా అని ఉండవచ్చు.
6. తన భార్య ఎవరి చేత చెబితే వింటుందో వాళ్ళ చేత చెప్పించి ఉండవచ్చు.
7. ఇవేవీ కాకుండా "నువ్వు ఒకవైపు, నేను ఒకవైపు ఉండి జనాల్ని భలే ఫూల్స్ చేశాం, ఇక చాల్లే అనుకుని ఉండవచ్చు.

సుబ్బలష్షిమి:
బావా! చాలు చాలు! ఇవే కాకుండా ఇంకా ఏమయినా జరిగే అవకాశం ఉందేమో, మన బ్లాగుమిత్రులు చెప్తారేమో చూద్దాం.