ప్రచార పర్వంలో స్నానఘట్టాలు

[దీక్షాశిబిరం సమీపంలో లగడపాటి స్నానం - ఫోటో ప్రచురించిన ఈనాడు నేపధ్యంలో]

సుబ్బలష్షిమి:
బావా! ఈనాడు వారికిదేం వ్యామోహం బావా! అప్పటి ఎన్టీఆర్ కాలం నుండి చూస్తున్నాను. రోడ్డుప్రక్కనో, దీక్షా శిబిరాల ప్రక్కనో స్నానం చేస్తున్న, నాయకుల అర్ధ నగ్నఫోటోలు ప్రచురిస్తారేం? పర్యటనలన్నాకా, దీక్షలన్నాక, ఆ దగ్గరలోనే కాలకృత్యాలూ, స్నానపానాలు తప్పవు కదా!ఇదేం వార్తప్రచారాలు బావా?

సుబ్బారావు:
అప్పటి ఎన్టీఆర్ విషయంలో అదే ప్రధమం మరదలా! అందునా అతడు సినిమా నటుడు! ఏం చేసినా సంచలనమే అన్నట్లు అప్పట్లో ఈనాడు ప్రచారించింది. అదే మంత్రం కేసీఆర్ కీ అనువర్తించి అతడి స్నానపు ఫోటోలూ ప్రచురించింది. కాకపోతే ఆ ఫోటోల్లో కేసీఆర్ బక్క శరీరం చూస్తే అంతిమ స్నానపు ఘట్టంలా ఉందని వ్యాఖ్యలు రేగటంతో ఆపారు. ఇప్పుడు లగడపాటి వంతు!

సుబ్బలష్షిమి:
ఏమైనా ఇది వార్తలు ప్రచురించే తీరేనా బావా? మనో వికారం గాకపోతే!