Tuesday, July 6, 2010

సోనియా కంటే సమర్దులున్నారా?

[సోనియా కంటే సమర్ధులున్నారా? - రేణుకా చౌదరి ప్రశంస నేపధ్యంలో]

సుబ్బలష్షిమి:
బావా! ఒకప్పుడు తెలుగుదేశంలో ఉండి ‘ఎన్టీఆర్ జిందాబాద్’ అన్న రేణుకా చౌదరి, కాంగ్రెస్ లోకి దూకి చాలా ఏళ్ళే అయ్యింది. ఆ రాజకీయ నాయకురాలు, ఇప్పుడు ఎంతగా ‘సోనియా జిందాబాద్’ అంటోందో చూడు! ‘సోనియా కంటే సమర్ధులున్నారా?’ అంటోంది.

సుబ్బారావు:
అవును మరదలా! సోనియా కంటే సమర్దులెవరున్నారు?
పీవీజీ ని అవమానించటంలో,
తన పాపాలన్నీ ఆయన ఖాతాలో వేయటంలో,
పెట్రో ధరలు దగ్గర నుండి చట్టబద్దంగా ప్రజలని దోపిడి చేయటంలో,
అన్నిరకాలుగా సామాన్యుల పీకలు పిసకటంలో,
వందిమాగధుల చేత కాళ్ళు పిసికించుకోవటంలో...
ఎందులోనూ సోనియా కంటే ఎవరూ సమర్ధులు కారు.

సుబ్బలష్షిమి:
అంతే కాదు బావా! బాకా ఊదటంలో రేణుకా చౌదరి కంటే కూడా సమర్ధులు లేరనుకుంటా!

సుబ్బారావు:
అందులోనే కాదు మరదలా, రేణుకా చౌదరి ఇంకా చాలా వాటిల్లో సమర్దురాలే! కాబట్టే ఇప్పుడు ఎంపిగా ఓడిపోయినా కూడా, ఉపాధి హామీ పధకానికి చైర్మన్ వంటి ఉన్నత పదవుల్ని ఆనందిస్తోంది. అలాంటప్పుడు ఆ పాటి భజన చేయదా ఏం?

సుబ్బలష్షిమి:
అంతేలే బావా! ఎంతగా అధినేత్రికి భజన చేస్తే అంతగా పదవులూ, పైసలూ వస్తాయి మరి!

1 comment: