Saturday, July 24, 2010

డబ్బులున్న అయేషా తన్వీర్ లు - డబ్బుల్లేని అయేషా మీరాలు !

[పార్క్ ఉడ్ స్కూల్ పాలక వర్గం నుండి అయూబ్ ని తొలగించాం - స్కూల్ అకడమిక్ హెడ్ అయేషా తన్వీర్... ప్రకటన నేపధ్యంలో]

సుబ్బలష్షిమి:
బావా! పార్క్ ఉడ్ స్కూల్ ను ప్రారంభించిందే అయూబ్. ఆ స్కూల్ ప్రిన్సిపాల్ అతడి చెల్లెలే! అలాంటిది ఆ పాఠశాల అకడమిక్ హెడ్ అయేషా తన్వీర్, ఇప్పుడు తీరిగ్గా, పాఠశాల పాలక మండలి నుండి అతణ్ణి తొలగించామనీ, పాఠశాలలో జరిగిన ఒక సంఘటన ఆధారంగా 350 మంది విద్యార్దుల విద్యాసంవత్సరానికి నష్టం కలిగించరాదనీ ప్రభుత్వాన్ని కోరుతోంది.

ఈమెకు తెలియదా బావా, అన్న, అమ్మాయిల హాస్టల్ పైనే పెంట్ హౌస్ కట్టించుకు ఉంటున్నాడనీ, పిల్లల మానప్రాణాలతో ఆడుకుని జీవితాలకే నష్టం కలిగించాడనీ?

సుబ్బారావు:
ఇవతల ఆ పిల్లల జీవితాలు, దృక్పధాలు అన్ని నాశనం అయితే ఏం లేదు గానీ, తొక్కలోది విద్యా సంవత్సరం నష్ట పోరాదట! ఆ స్కూలు కాకపోతే మరో స్కూలులో చదువుకుంటారు. అసలా అసభ్యపు స్కూల్లో ఏం విద్య నేర్పిస్తారట? పైగా ఒక్క సంఘటన అట. మెల్లిగా బాధితుల చిట్టా బయటికొస్తుంటే, ఏం చెబుతోంది కీచక సోదరి?

సుబ్బలష్షిమి:
అంతేలే బావా! రౌతు మెత్తనైతే గుర్రం మూడు కాళ్ళ మీద పరిగెడుతుందంటారు పెద్దలు. ప్రభుత్వపు అలుసుంటే, అవ్వని దేమిటి డబ్బులున్న అయేషా తన్వీర్ లకి? అదే డబ్బుల్లేని అయేషా మీరాలైతే... దారుణంగా రేప్ హత్య చెయ్యబడినా, ఏళ్ళూ పూళ్ళూ గడిచినా, ఏ న్యాయమూ జరగదు!

3 comments:

  1. oka ramarao,oka ayub,.........inka chalamandi vunnaru ,kaakapote dorikithene dongalu.gajula

    ReplyDelete
  2. gajula గారు: ఆ దొంగలు కూడా అవసరాన్ని బట్టే బయట పెట్టబడుతుంటారేమో!

    ReplyDelete